Your Western Cape Lead SA Youth Heroes

Anders is spesiaal!

Carli het intussen 16 jaar oud geword. 

Sy was ook einde laasjaar aangewys as Lead SA se Youth Hero vir November 2015. Wat 'n besonderse voorreg.

As julle na haar gesprek op Cape Talk wil gaan luister kan julle die volgende link gebruik:
https://soundcloud.com/primediabroadcasting/lead-sa-youth-hero-for-november-2016?utm_source=soundcloud&utm_campaign=share&utm_medium=email

Ek moet ook net byse dat Engels nou nie ons twee se sterkpunt is nie ;-) Wel ten minste het ons probeer!

Hier is 'n paar foto's waarom sy hierdie toekenning gekry het.

Carli deel Kersfees skoenbokse uit by Amalienstein Primer buite Ladismith.

Hierdie dogtertjie het op 3 Desember 2012 op haar verjaarsdag die eerste keer 'n geskenk in haar lewe ontvang. Sy is 'n weeskind wat by haar grootouers woon. 2 Desember 2015 het ons haar weer raakgeloop. Kyk hoe groot het sy geword. Sy lyk na 'n gelukkige dogtertjie. Ons is so bly dat God so mooi na haar kyk :-)

3 Desember 2012 op haar 6de verjaarsdag.

2 Desember 2015 Die dag voor haar 9de verjaarsdag.

Nog 'n kindjie wat diep in ons harte ingekruip het is Anastacia. Sy het 'n genetiese kondisie wat veroorsaak dat haar regter been se limf nie werk nie. Gevolglik is daardie been baie groter as die linker been. Die kinders by haar skool noem haar die dogtertjie met die 'voetjie'. Sy was einde 2015 vir 5 weke in die hospitaal. Desember toe ons haar geskenk by die skool wou uitdeel het die Juffrou ons laat weet dat hulle haar opgeneem het in die hospitaal. Ek en Carli het gereeld deurgery na Rooikruis kinder hospitaal om haar en haar ma, Johanna bytestaan en te bemoedig. Partydae het dit maar moeilik gegaan. My hart het gebloei vir hulle. Anastacia is een van die sterkste en braafste dogtertjies wat ek ken. Bid asb. vir haar en haar mammie dat God haar sal genees.  Hier is 'n paar foto'jies van haar en Carli tydens ons hospitaal besoeke.

As jy meer van Carli se Omgee Kersfees Boks Projek wil weet dan kan jy gerus gaan loer op die facebook blad  https://www.facebook.com/omgeekersfeesbokse en like die bladsy om op hoogte gehou te word van die nuutste verwikkelinge. 

O ja, vandag is dit 13 Mei. 15 jaar nadat Carli se lewe verander het. Sy het so paar dae terug vir my 'n whattsapp gestuur met 'n foto uit haar huiswerkboek met die volgende slagspreuk in pen omkring: "Ek gee nie om om anders te wees nie. Anders is spesiaal! Ek dink wat die meeste saak maak, is hoe iemand in sy binneste is" 

-Jazz Jennings-

Carli:13 Mei 2015:14 jaar later!

Carli:13 Mei 2015:14 jaar later! 

Perspektief toe en nou

Sy is nou 15 jaar oud. Op 13 Mei 2015 is dit 14 jaar vandat haar lewe verander het. God se nuwe plan! 

'n Maand voor haar ongeluk. 1 jaar oud.

Op 13 Mei 2001, Moedersdag, het haar Pa per ongeluk oor haar koppie gery met sy Toyota 4x4 bakkie. Sy het 'n ernstige breinbesering opgedoen en was bewusteloos onmiddelik na die ongeluk. TEN SPYTE VAN WAT MET HAAR GEBEUR HET IS SY 'n WONDERWERK!  In die 1STE plek het sy OORLEEF!!! en in die 2de Plek doen sy vandag dinge wat 'n paar jaar gelede as Onmoontlik beskou was vir haar. 

23 Mei 2001, 10 dae na haar ongeluk en ook die dag waarop haar boetie, Franco, gebore is.

                                 

Die enigste manier om te kon aangaan was om by ons Groot Vader se voete te gaan sit en huil en Hom te smeek om haar terug te gee! HY HET HAAR VOLMAAK TERUG GEGEE Ek, haar ma, was nog nie reg om haar te verloor nie! EK MOES HAAR EERS AMPER VERLOOR VOORDAT EK HAAR KON volkome TERUG KRY. 

Ek het haar in my gedagtes vasgevang soos sy was voor die ongeluk.......'n borrelende, klein dogtertjie wat orals rondgehardloop het en met groot bruin ogies gelag het. 

2015 Nasionale 0/16 kampioen in spiesgooi, diskus en gewigstoot in die T38 klas.

VANDAG HARDLOOP SY WEER (3 goue medaljes in haar klassifikasie by die Nasionale Atletiek kampioenskappe vir gestremdes.) 

SY GEE BORRELEND elke jaar terug DEUR KERSFEES GESKENKE AAN MINDER BEVOORREGTE KINDERS van STELLENBOSCH tot in LADISMITH uit te deel.

 

Carli het al sedert 2011 al 3000 kinders se Kersfees verander deur haar skoenboks projek. Klein Karoo Kersfees Boks Projek.

 Die grusame gesig van wat met haar gebeur het, het nogal 'n manier  gehad om jou gedagtes te wil oorrompel, maar ek het daarteen geveg en eerder geglo dat Hy sy beskermde hand van liefde om ons en veral Carli gehou het! VANDAG GEBRUIK GOD VIR CARLI OP MANIERE WAT NIE MOONTLIK SOU GEWEES HET AS SY NIE SEERGEKRY HET NIE.

ONS BEPLAN MAAR GOD BESKIK. LOS DIT IN SY HANDE EN ALLES WERK TEN GOEDE UIT VOLGENS SY WIL. 

Pragtige Carli 15 jaar oud. 14 jaar na haar ongeluk. Mooi van binne en buite.

Markus 12:10

 "Die klip wat deur die bouers afgekeur is, juis hy (sy) het die belangrikste klip in die gebou geword. 

Dit is deur die Here gedoen en is 'n wonder in ons oe. "

AMEN!

Boks, skoenbokse en dose.......

Hallo almal

Ek weet ek was 'n bietjie stil gewees die afgelope tyd, maar dit is maar besig hier by my!! 

Ek was in die koerant!!!!!!

Ek kan nie glo dat die mense soveel skoenbokse gee vir my Klein Karoo Kersfees Boks Projek nie. Dit is so wonderlik om te weet dat daar baie kindertjies se hartjies bly gaan wees hierdie Kersfees! Dit laat my hart sommer tjoklits klop ;-)

Ek het gister saam met my boetie en twee sussies winkels toe gegaan om die laaste goedjies te koop vir Jessica Muller. Sy is ook 12jaar oud. Net so oud soos ekke. Sy is in Dankoord Primer buite Ladismith. Ek kan nie wag om haar te ontmoed nie.

Wingerd kleuterskool besig om hul bokse te versier.

Ek kan nie wag om die mense van Kwela te ontmoed nie. Dit gaan vet pret wees om die skoenbokse by die Besige Bytjies uit te deel op die 8ste Oktober. 

Die projek het ook 'n bladsy op Facebook. Gaan kyk hoe die projek vorder.
http://www.facebook.com/pages/Klein-Karoo-Kersfees-Boks-Projek/173374489464652
 

Ek saam met van die bokse wat by die Besige Bytjies uitgedeel gaan word.

Hoop julle het 'n wonderlike week!

Baie liefde
Carli

Kos, kos, kkkkkooooooosssssss!!!!

My gunsteling kos is carpaccio, sushi, steak, tjops, spareribs,rys met melk.......Die groot ding is, ek is lief vir kos! 

My Graad 4 Juffrou het altyd gese sy is gemaak om te eet! Elke keer as sy McDonalds toe gaan tel sy die tjips......sy is 'n snaakse Juffrou!

Ek hou van slaai maar voorheen het ek komkommer en avokado gehaat, maar nou is dit een van my gunstelinge.

Nagereg: Jellie en vla, melktert, marie's en melk, cupcakes en sjokoladekoek. So dit is altyd die lekkerste na ete!

Onthou kos is altyd lekker en dit is die moeitewerd om altyd iets nuuts te probeer. Dalk word dit nog jou gunsteling kos.

Geniet julle week!

Liefde 

Carli

Vakansietyd is lekkertyd!

My kunswerk wat ek by Korlie de Kock gemaak het.

Min het ek geweet toe die skole gesluit het op 22 Junie dat ek so 'n lekker tyd gaan he. 26 Junie het ek saam met my Ouma gevlieg tot op Lanseria lughawe. My Ouma was baie bang dat sy gaan verdwaal op die lughawe, maar gelukkig was dit nie 'n probleem nie want die lughawe was nie baie groot nie. Ek het myself besig gehou met Sudoku en my Sweet Home boek. Ek was vreeslik opgewonde om Nelspruit toe te gaan, omdat dit die eerste keer is vandat ons Kaap toe getrek het. 

Ek en Ouma in die 'Taxi'

Ons het met 'n taxi Nelspruit toe gery. Dit is nou nie die soort taxi wat mense gewoonlik mee ry nie. Hierdie was 'n fancy bussie. Ons het die aand eers half 8 in Nelspruit aangekom. Dit was al donker en ek kon glad nie sien hoe Nelspruit nou lyk nie. Ek was bly om vir Oupa te sien wat ons kom haal het. 

'n Sanger by Innibos.

Woensdag het ek en Ouma by Tannie Breggie, Oupa se oudste suster, gekuier. Haar pappegaai is baie snaaks. Dit was lekker om by haar te kuier. Die aand het ons Innibos toe gegaan. My Oupa het my pienk sakkie gedra en 'n ander oom het gese dat Oupa snaaks lyk met die pienk sakkie. Ek het lekker gelag! Die musiek was pragtig maar bietjie hard. Ek hou mos nie van harde musiek nie oor my ore wat maar bietjie anderste werk. Dit was ook koud. Ons het toe maar vroer huis toe gegaan.

Ek en Oupa Danie. Dit was heerlik om foto's te neem.

Donderdag het ons Kruger Wildtuin toe gegaan. Die eerste aand het ons in Olifantskamp geslaap. Dit was heerlik rustig. Ons het pragtige tonele gesien van veral olifante. Ons het ook die Olifant Museum besoek. Van die Tuskers se tande is langer as ekke!!!!! Ons het ook ‘n apie-hijack beleef ;-) Die apies het al ons kos gesteel......hulle het die knippe losgemaak en alles opgeeet!
Die tweede aand het ons in Letaba geslaap en die laaste aand in Pretoriuskop. 

Oupa Martin, Ouma Marieta, ekke en Albert

Die Sondag aand het ons by Ouma Marieta en Oupa Martin in Nelspruit gekuier. Ek het ook my nefie Albert gesien. Hulle was so verras om my te sien, want hulle het nie geweet ek is in Nelspruit nie.
Die Maandag was dit weer terug Kaap toe. Ek het baie na my gesin verlang. Dit was heerlik om weg te wees, maar dit was die lekkerste toe my hele gesin my kom groet het by die lughawe. Die beste plek in die wereld is by die HUIS!
Die tweede week van die vakansie het ek en my sussie kunsklasse geby  by die Sasol Kunsmuseum. Corlie de Kock  het dit aangebied. Sy is baie nice!  Dit was vreeslik lekker. Ek het veral die kleiwerk die meeste geniet.
Die laaste week het ek lekker laat geslaap en ook Ice age 3 gaan kyk. 

Ek en Mamma. Dit is die laaste dag van die vakansie by Ocean Basket.

Nou-ja, vandag het die skool weer begin. Ek sien uit na die kwartaal want ek gaan begin met klavierlesse.
Geniet julle week!

Baie liefde
Carli

X-sAMENs..............

Ek het gister my laaste vak geskryf, Tegnologie! Ek was verskriklik op my senuwees omdat ek nie al die werk gehad het nie. My keel het begin pyn van die stress! Die hoofpyn wat ek gehad het, het alles nog erger laat voel.

Ek is so bly dat die eksamen verby is. Dit het gelukkig goed gegaan met die Tegnologie! Al wat ek nou oor het na die eksamen is 'n verkoue!

Ek is besig om te leer. Dit was bibberkoud!

My boetie, Franco het 'n nuwe fiets gekry! Nou gaan hy vrek vinnig kan ry! Hy wil mos SA Mountainbike ryer word. Met so 'n mooi fiets dink ek sal hy dit kan regkry. Hy was baie bekommerd dat hy nou 'n "spoiled brat" gaan wees, maar ek dink nie hy is een nie. Hy is net baie lucky! Ek hoop ek word volgende bederf. Ek wil so graag 'n perd he, maar ek weet dit is 'n groot verantwoordelikheid.

'n Arm dogtertjie in die Klein Karoo

Nog iets waaroor ek vreeslik opgewonde is, is 'n projek waarmee ek arm kindertjies gaan help. Ek het laasjaar dit die eerste keer gedoen, maar ons het te laat begin. Hierdie jaar gaan ons dit saam met Helderberg gemeente se kinders doen. Die projek se naam is die Klein Karoo Kinder Kersfees Inisiatief of sommer net K4I. Wat elkeen moet doen is om 'n skoenboks te versier en dan elke week ietsie te koop wat daarin gaan. Hier teen Oktober/November behoort jou boksie vol te wees en dan kan die boksie baie vreugde vir 'n arm kindjie bring. Bid asb. dat hierdie jaar se projek 'n reuse sukses sal wees! Ek sal so bly wees :-))))))

Geniet die res van julle week!

Liefde
Carli